प्रयोग म्हणजे विज्ञानाचा आत्मा. आणि म्हणूनच विद्यार्थ्यांना आणि समाजातील इच्छुकांना स्वतःच्या हाताने वेगवेगळे प्रयोग करायला मिळाले तर विज्ञानाची आवड निर्माण होण्यास नक्कीच मदत होईल. यासाठीच हा उपक्रम सुरू करण्यात आला आहे. भौतिक – रसायन – जीवशास्त्रातील विविध प्रयोग येथे करता येतात. डॉ. होमी भाभा बलवैज्ञानिक स्पर्धा परीक्षेतील दुसऱ्या टप्प्यात प्रवेश केलेल्या विद्यार्थ्यांची (इयत्ता – 6वी आणि 9वी ) प्रात्यक्षिक कार्यशाळा देखील घेतल्या जातात.